بيتزا في طاجين الحديد

اتمنى ان تعجبكم الطريقة
والتزين على حسب دوقكم

المقادير
كيلة حليب
كيلة زيت
كيلة ماء
1 ملعقة اكل سكر
1 ملعقة اكل خميرة الخبز
1 بيضة واحدة
ملح
الجبن لتزين حسب الاختيار
طريقة التحضير

نخلط في اناء جميع المقادير جيدا
ثم نضيف الفرينة حتى تتمسك العجينة
ونتركها جانبا حتى تخمر العجينة
اما باقي التحضيرات معروفة











با الصحة والهناء للجميع

ملاحضة انا نحب نكيل بكاس نتاع الماء و وكي تبقالي نحطها في ساشي كونجيلاصيون في الكونجيلاتور ومن بعد يوم ولا يومين نحيها ونزيد نطيبها تجي مشاء الله

طاجين الزيتون

بسم الله الرحمن الرحيم
السلام عليكم ورحمة الله تعالى وبركاته
تبارك الله مشاء الله
عزيزاتي بما انو عجبكم طاجين الزيتون نتاعي راني جبتلكم الطريقة بالصور نتمنى تجربوه لانو فعلاا راااااائع

طريقة التحضير
اول شي نغلو الزيتون ثلاث مرات في كل غلية نغيرلو الماء ومنبعد نحطوه في ماء بارد

وبعدها نحط قطع الدجاج في الكوكوط



ونرحي حبة بصل مع 4 سناة توم ونص حبة طوماطيشة ونفرغهم على قطع الدجاج ونزي شوية راس الحانوت وفلفل اسود وملح ومغرفة كبيرة زيت وربطة حشيش ومعدنوس ونقليهم مليح





وبعد مانقليه مليح نحط الزيتون ونزوج حبات جزر مقطعين دوائر ونمرق بماء سخون ونغلق الكوكوط ونخليه يطيب الدجاج وبعد ماطيب الدجاج نحيه ونرش عليه شوية زيت وندخلوه الفرن يتحمر ونرحو نقلي علبة الفطر ونقلي ليبول نتاع اللحم المرحي ونرميهم مع الزيتون ونخلوهم يغلو شوية مع بعض ونعقد المرقة بشوية فرينة في الماء ونزيد نخليه يغلي شوية ونطفي عليه وبالصحة والهناء









ان شاء الله تعجبكم طريقتي وتجربوها ودعوة خير من قلبكم تكفيني

خبزات وفطيرة محشين في قمة الرووووعة والمداق

بسم الله الرحمن الرحيم
السلام عليكم ورحمة الله تعالى وبركاته
تبارك الله مشاء الله
بسم الله وعلى بركة الله
صديقاتي جبتلكم ولاول مرا طبق من مطبخي ماشي غير فرح الي تعرف الطيب خخخخخخ
حبزات وفطيرة محشين رووووعة في الشكل والبنة صدقوني
انا استعملت عجينتي التي احبها واعشقها في كل معجناتي









هادي فطيرة محشية






مقادير العجينة هي

المقادير
كيلة حليب
كيلة زيت
كيلة ماء
1 ملعقة اكل سكر
1 ملعقة اكل خميرة الخبز
1 بيضة واحدة
ملح

طريقة التحضير

نخلط في اناء جميع المقادير جيدا
ثم نضيف الفرينة حتى تتمسك العجينة
ونتركها جانبا حتى تخمر العجينة
وبعدها نشكل الاشكال الي تحبوها وتفضلوها واكيد تخلوها تخمر وبعدها ندهنها بالبيض ونزقها بالزنوج والجلاجلان وندخلها الفور سخون مسبقا
اما الحشواختياري
انا الخبزات حشيتهم بالطون والفرماج
والفطيرة بالجاج والفرماج وبصل مقطع رقيق مقلي وقرعة مقطعة رقيقة مقلية
وبالصحة والهناء

ان شاء الله تجربوها وتعجبكم ولا تنسوني وعائلتي من صالح الدعاء ولكن بالمثل

خبز تركي محشي بالطبقات

بسم الله الرحمن الرحيم
السلام عليكم ورحمة الله تعالى وبركاته
تبارك الله ماشاء الله
جبتلكم طريقة تحضير خبز تركي محشي بالطبقات
المقادير
4 كوب دقيق
كوب وربع حليب دافئ
نص كوب ماء دافئ
6 ملاعق كبار زبدة دايبة لدهن الطبقات
1ملعقة كبيرة خميرة الخبز
1 ملعقة كبيرة سكر
ملعقة صغيرة ملح
طريقة التحضير
نخلط المواد الجافة معا وبعدها نضيف الحليب والماء وبعدها نعجن جيدا جيدا وبعدها نخليها تخمر وكي تخمر نقسم الى 6 كويرات وبعدها نحل بالطول الطبقة الاولى وندهنها بالزبدة ونحط عليها الحشو ونزيد نحل التانية بالطول كيما المسمن قولت ونحطها فوق هديك الطبقة الاولى الي بالحشو وندهنها بالزبدة ونيفلها الحشو نكرر نفس العملية حتى الاحيرة ومنديرش فيها الحشو وحادي نزيد نحل هدوك الطبقات معا بالحلال شوية ونطبقها ونحطها في بلاطو مدهون ونحلها باليد كيما في الصورة ونخليها تخمر وبعد ماتخمر نقسمها بالموس وندهنها بالبيض ونرش السانوج والجلجلان وندخلها الفوغ طيب وبالصحة والهناء
ملااااااااااحضة خدمي فوق المنيوم او ساشي كيما خدمت احسن الحشو كيما تحبو انا درت الحم المرحي الشامبينيو والسلق
هادو الصور لتوضيح اكثر