طرطة بالفراز و الكيوي

بسم الله الرحمن الرحيم
السلام عليكم ورحمة الله تعالى وبركاته
تبارك الله مشاء الله
طرطة بالفراز و الكيويانا منحبش ليطارط وليكرام  مي هاد الطارطة  مع  الكريمة الي نحضرهالها راااائعة

المقادير
مقادير العجينة
250غ فرينة
   50غ  سكر ناعم 
 ملح
 125 غ زبدة
 ملعقة اكل ماء
الكريمة اي كريمة الحلواني
20سل حليب
 صفار بيضتين 50
غ سكر 
20غ مايزينة
 فانيليا
كريمة الشانتي
كيلة غبرة الشانتي
كيلتين من الماء

هنا بعد مابسست العجينة ونضيفلها صفار البيض حبة بحبة على حساب وكملت لميتها بعصير البرتقال

وهنا نحضر الكريمة 
اول شي نسخن الحليب ونونضيفلو نصف كمية السكر 

وهنافي وعاء اخر نضع بقية السكر وصفار البيض والمايزينة والقليل من الحليب ونحرك جيداااا ونضيفو للكسرونة ونرجعها فوق النار مع التحريك المستمر الى ان يتخثر وننزعم من النار ونغيرلو الوعاء ونخليه بجيه 

وهنا نحضر كريمة الشانتي نطلعها جيدا وبعدها نضيفلها كريمة الحلواني ونخلهم معاااا جيداااااااا 

ودعولي لي ولي عائلتي من صالح دعائكن ولكن بالمثل

بقلاوة تركية

بسم الله الرحمن الرحيم
السلام عليكم ورحمة الله تعالى وبركاته
صح رمضانكم
خدمت بقلاوة تركية مممممم ماشاء الله تهبل

بسم الله الرحمن الرحيم
السلام عليكم ورحمة الله تعالى وبركاته
صح رمضانكم
صنعت بقلاوة تركية ممم ماشاء الله
المقادير وطريقة التحضير
اولا نحضر الشاربات
4 كبسان سكر مع 3 كيسان ماء وبروج اليمون ونطيبها تقيلة
الحشو
درت رطل لوز مرحي وكيلة تلت كيلات لوز بكيلة سكر ناعم مع ملعقة صغيرة فانيليا ونشمخ بما الزهر
في العجانة
نضع زوج ونصف كيسان فرينة ونضيفلها نص كاس زيت ونخلط جيدااا حتى تتبسس جيدااااا ونضيف باكي خميرة الحلوى ونزيد نخلط جيدا ونجيب نص كاس حليب ونعصر فيه ملعقة كبيرة عصير القارص ونكسر فيه حبة بيض ونخلطهم شوية ونعجن بيه العجينة وادا جاتكم يابسة ضيفو الحليب
ونعجن جيدااا حتى نتحصل على عجينة مطاطية ونغطيها ونخليها ترتاح 10 دقائق
وبعدها نقسم العجينة الى 24 كويرة قد حبة الجوز ونقسم كل 12 كرية وحدها ونغطيهم ونخليهم يرتاحو مدة 10 دقيقة
وبعدها نجيب رطل نشاء ونبدا الخدمه نبدا بالحبة الاولا نغطسها في النشاء مليح ونزيد نرش طاولة العمل بالنشاء ونلحها بحجم من8 الى10 يعني نحلها قرصة صغيرة فقط
ونرشها با النشاء جيداا ونحطها بجيه ونروح للكرة التانية بنفس الطريقة ونرشها ايضا بالنشاء يعني بين كل قرصة نرش النشاء جيدااا حتى نكمل 12 كرية وبواسطة الحلال نحلها في 12 معا دفعة واحدة جيدا حتى نتحصل على ورقات رقاق جيدا بحجم الصينية
وندهن الصينية بزبدة او سمن دايب ونفرشهم فيها ونفرغ الحشو فوقها ونعدلو جيداااا ونكرر العملية مع 12كرية الباقين بنفس الطريقة ونضعها فوق الحشو وبالموس نقطع الشكل الي بغيت ومن قبل نكونو دوبنا 250غ زبدة از سمن ونرش البقلاوة وندخلها للفور مسخن مسبقا ونخليها طيب في 180 درجة حتى تطيب ونحيها سخونة ونسقيها بالشربات باردة وبصحتكم
ملاحضة الي صينية نتعها كبيرة تضاعف الكمية
ودعولي لي ولي عائلتي من صالح دعائكن ولكن بالمتل من قلبكم