شوارمة من مطبخي

1. بسم الله الرحمن الرحيم
   السلام عليكم ورحمة الله تعالى وبركاته
   تبارك الله مشاء الله
   ان شاء الله تكونو كاع بالف خير
2. عجينة العشر دقائق شكون الي مايعرفهاش 
3. زوج كيسان فرينة زوج كيسان ماء دافئ زوج ملاعق كبار سكر ملح حسب الحاجة زوج ملاعق كبار خميرة الخبز نخلط جميع المقادير معا ونغطيها بكيس ونخليها ترتاح مدة 10دقائق  وبعدها نرجع نضيف 3كيسان فرينة فنجان صغير زيت  ونخلط ونكمل نعجنها حتى نتحصل على عجينة ونخدمو بيها مباشرتا 
4. وبعدها نكور العجينة الى كرات مثل حبة المندرين وبواسطة الحلال نحلها رقيقة ونطيبها في مقلاة ولا طاجين الحديد ملاااااحضة مهمة من قبل نكونو وجدنا الحشو غير نطيب الخبز العربي تم تم نحط عليها الحشو ونلفها جيدا هكداك وهي سخونة باه مايتكسرش الخبز ويتخسر شكل الشوارما في الخبز العربي 
5. الحشو صدر دجاج على حسب افراد العائلة نقطعو قطع صغير ونحطو في علبة  ونرابي عليه التوم والملح والفلفل اسود وشوية كمون ونخلطو مليح ونغلق العلبة ونخليها في التلاجة ادا عندك وقت خليها زوج الى ثلاث سعات ماعندكش الوقت ساعة تكفي ونقليها في شوية زيت ونرش عليها شوية زعيطرة  حتى يطيب الدجاج وتقدر تضيفو معه الفريت 
6. وبصحتكم

1.  
2.  
3.  
4. 
5.  
6. 
7.  
8. 
10.  
11. 
    
14. 
15.  
16. 
17.  
18. 
19.  
21. 

1. 
2.  
3. 
4.