رولي كفتة دجاج محشو باللحم المرحي والفرماج

1. السلام عليكم ورحمة الله تعالى وبركاته
   تبارك الله مشاء الله
   ان شاء الله كامل تكونو ملاح
   حبيت نحطلك طريقة رولي كفتة دجاج محشو باللحم المرحي والفرماج هاد الطريقة نقدمها دائما مع الفريت
   
   
   
   
   
   المقادير
   هنا المقادير بزوج لحشو صدر الدجاج المرحي ولحشو الفيونداشي كل واحد ندزنو وحدو
   صدر دجاج مرحي
   كمية من الفيونداشي
   بصلتين صغيرتين
   زوج ربطات معدنوس مقطع
   ملح
   فلفل اسود
   زوج بيضات
   انا دائما نحب شوية مارغارين في الحشو
   ونخلط جميع المقادير
   
   
   
   وهنا الفيونداشي
   
   
   ونبسط ورق الالمينيوم وندهنو ب زبدة وشيوية زيت ونحط عليه الطبقة الاولى الي هي صدر الدجاج
   ونضيف عليه الطبقة التانية الي هي الحم المرحي ونحط عليه الفرماج كيما في الصورة
   
   ونرولي شوية شوية
   
   حتى نتحصل على رولو بهاد الشكل
   
   انا نحب نطيب مباشر في ورق الالمنيوم وانتما كيما تحبو
   وهنا لفيناه جيدا ونحطو في زوج كيسان ماء باش يطيبو بخاطرو انا هنا عندي ضياف درت كمية هدي
   
   
   وبعدها ندخلو للفور ونخليه يطيب
   وكي يطيب نقطعو دوائر ونحطو مع الفريت كيما درتلو هنا
   كي نحيه من الفور ونحط في مقلاة ونطليه بيحبة بيض مقطع فيها المعدنوس رقيق ومحركين مليح هو يتحمر وانا ندور ونطلي فيه ويجي محمر ومزوق بالمعدنوس كيما في الصورة