- السلام عليكم ورحمة الله تعالى وبركاته
تبارك الله مشاء الله
ان شاء الله كامل تكونو ملاح
الشفلور او الكرنب على طريقتي
هنا حطيت صدر تاع الجاج ودوزنتو عادي كيما موالفين ندوزنو رحيت حبة بصل مع حبة طوماطيشة مع ملح وفلفل اسود وراس الحانوت ومغرفة زيت وثوم وخليت تقلى مليح وكي تقلى مرقت وغلقت الكوكوط
وقطعت البطاطا مربعات وقليتهم وكي طابت المرقة حطيت فيها هديك البطاطا الي قليتها وكمية نتاع الحمص
هنا الشفلور فورتو ودوزنتو هو تاني باش يجي بنين
هنا طاب الشفلور ومحيت بالفرشيطة وزدة فتت عليه صدر الجاج وقطعت عليه المعدنوس وزوج مغارف كبار فرينة وكسرة عليه زوج حباة بيض وخلط كل شي مليح
هنا كي خلط كل شي
وهنا شكلت صبيعات ورمدتهم في الفرينة ورجعنهم في البيض ورجعتهم في خبز مرحي
وبعد ماشكلت صبيعات قليتهم في الزيت ورجعتهم في المرقة وخليتهم غلاو مدة 5دقائق
وهنا راه طبق الشفلور نتنا واجد
ان شاء الله تعجبكم طريقتي وتجربوها
الخميس، 19 فبراير 2015
الشفلور او الكرنب على طريقتي
الاشتراك في:
تعليقات الرسالة (Atom)
ليست هناك تعليقات:
إرسال تعليق