حلوة حاسي الرمل

السلام عليكم ورحمة الله تعالى وبركاته
تبارك الله مشاء الله
ان شاء الله كامل تكونو ملاح
جبتلكم حلوة حاسي الرمل هههه صدقوني اسمها ضحكني بزاف مبصح حلوة بنينة وحلوة بزاف
ان شاء الله تعجبكم وتجربوها
المقادير
500غ مارغارين
150غ سكر ناعم
نفس علبة المارغارين نقيسو بيها الزيت
ونفس علبة المارغارين نقيسو بيها الحليب
باكي خميرة ونصف خميرة الحلوى
فاني
فرينة
الحشو
500غ لوز محمص
300غ حلوة الترك
300غ جلجلانية مقلية ومرحية
ونجمع الحشو بالمعجون انا هنا صورت قبل لا نشمخو بالمعجون



نخلط جميع المقادير حتى نتحصل على عجينة حاكمة روحها
كيما هكدا

ونحل العجينة بالحلال ونقطع دوائر بهاد الشكل ونحط فيها حربوش الحشو كيما هكدا



ونلفها على شكل هلال بهاد الشكل



بعد الطهي نغطسو في خليط من المعجون والعسل ونرمدو في الكوفريط مفتت انا استعملت كوفريط شوكو

وهنا بعد ماوجد







ان شاء الله نكون توفقت في الشرح ويعجبكم