البطاطا بالجاج في الفور على طريقتي

1. السلام عليكم ورحمة الله تعالى وبركاته
2. تبارك الله مشاء الله
3. ان شاء الله كامل تكونو ملاح
4. حبيت نحطلكم طريقيتي في طبق البطاطا بالجاج في الفور هي طريقة ساااهلة وبنينة بزاااااااااااااااااااااااف مشاء الله
5. المقادير مع طريقة التحضير تاخدي البطاطا وتقطعيها كيما تحي با الكطول والا دوائر
6. وتستفيها في البلاطو نتاع الفور وتجيبي كسرونة ولا مقلاة وترابي فيها 8 فصات ثوم مع 3 ملاعق اكل زيت مع نصف مغرفة اكل مارغارين مع الملح والفلفل اسود والكمون والرند وشوية زعيطرة وكاس ماء وتخلطي فوق النار حتى تدوب المارغارين وتفرغيه فوق البطاطا والجاج لجاجة تهنيها با المارغارين وطماطم مصبرة وادا حبيتي تزيدي الجلبانة تجي ابنن ولوكان جاتك لاصوص قليلة زيدي نصف كاس ماء ومتكتريش باسكو الجاج راح يطلق لاصوص وادا البلادو نتاعك بالمقفال اغلقيه بالمقفال وادا ماعندكش المقفال غلفيها بابابي المنيوم ودخليها الكوشة ودري درجة الحرارة عالية وكي تغلي لاصوص الي درتيها نقصيلها النار وخليه يطيب بخاطرو وكل شوية طلي عليها حتى تلقايه وجد الطبق نتاعك واد تحمر مليح وادا متحمرش نحي المقفال والا بابي المنيوم وخليه يتحمر ملاحضة متخليش الطبق ينشف من لاصوص كامل باش يجي الطبق بنين ماشي ناشف
7. ملاحضة ثانية ادا لاصوص بزاف يسيحلك نحي البلارة ونقصي منها شوية لاصوص ورجعيها طيب
8. هنا نخليكم تشوفو الصور
9. هنا نقطع البطاطا هكدا
10. 
12. هنا راني حطيت البطاطا مع الجاج راني زدة القرعة والزرودية ودوزنتها
13. 
15. هنا راني غلقتها وندخلها الفور
17. 
19. هنا راه واجد هنا راني قطعتها البطاطا دوائر
20. 
22. هنا الطوماطيشة قشرتها وقطعتها دوائر ودرت عليه الثوم والملح والامعدنوس والزيت ودخلتها الفور
23. 
24. هنا راهي واجدة الطوماطيشة
25. 
26. ان شاء الله في المرة القادمة نحطلكم الطريقة بالحم
27. انشاء الله تعجبكم طريقتي وتجربوها